دعوه على الفطار وضيفة حلقتنا ..مشرفتنا الجميله .. بيومى افندى ....

[سما]

[align=CENTER][table1="width:85%;background-image:url('http://www.shahro.com/vb/mwaextraedit2/backgrounds/169.gif');border:9px groove darkred;"][cell="filter:;"][align=center]

عدنا اليكم اصدقائى الغاليين

وضيف جديد غالى ومميز ببرنامجنا

دعوه على الفطار

ضيفنا اليوم اشتهر اونقول اشتهرت بخفة الدم والروح الحلو والقلب الطيب

ضيفتنا اليوم تميزت بحب كل ما هو جميل وخير

ضيفتنا اليوم صاحبه القلب الطيب دوما

بيومى افندى

اهلا بكِ بيومى افندى شرفتينا ونورتى برنامجنا .. متمنين لك قضاء وقت ممتع ان شاء الله بصحبتنا

واسمحيلى قبل ما نبدأ حوارنا نقدملك مشروبنا الرسمى لبرنامجنا

ونبدأ حوارنا ونقول

-اسمك وسنك وعنوانك

اسمى بيومى
سنى من زمان
عنوانى القاهره

- ما هو طبقك المفضل علي مائدة إفطار رمضان؟

ملوخيه

- ما هي أجمل ذكريات رمضان؟

اللمه على السفره وامى معنا رحمها الله مواقف لا تنسي إرتبطت بالشهر الكريم
الفانوس الفانوس كانت اجمل حاجه عندى

- هل لك طقوس معينة ترتبط بشهر رمضان؟ بمعني كيف تقضي يوم و ليل رمضان؟

هههههههه لو قلت ليكى حتموتى من الضحك من الصبح فى المطبخ والليل فى المطبخ بغسل المواعين

- بمناسبة رمضان شهر الصفح و الغفران ..ما هو مقدار التسامح لدي بيومى افندى ؟؟

(( اسرع انسان يغضب واسرع انسان يسامح))

وهل تستطيعى أن تنسي الإساءة؟؟

مش فى كل الاحوال

و إلي أي مدي ؟؟؟

الى مدى بعيد جدا

- يا ترى تفتكرى لنا كان عندك كام سنة لما جالك اول فانوس فى رمضان؟؟

فى ابتدائى

- يقول (علي بن ابي طالب) : "المصيبة واحدة فإن جزعت لها كانت إثنتين"،
هل انت ممن يجزع سريعاً؟؟

كيف تري نفسك في إمتلاك زمام الأمور من حولك؟؟

شوفى يا سما انا كنت فاكره نفسى من الناس اللى بتجزع ولكن الحمد الله اختبار وفاه
ماما كنت واقفه وامتلكت امور وزمام نفسى واخواتى

- بتقضى اول يوم رمضان فين ؟ ومع مين

فى بيتى ومع اهلى ويارب دايما

((يا رب حبيبتى وما يحرمك منهم ابدا ))

- كيف في وجهة نظرك يستغل الإنسان قدراته بحيث لا يقلل من شأنه

و إمكانياته الفكرية و يقدرهما صح وفي نفس الوقت لا يتحول إلي الغرور؟؟؟

(( التواضع والحب وحب الناس من القلب وليس حب الكلمات فقط

-بعض الأحيان نتعامل مع أشحاص ثم نفاجئ بعد فترة أننا لم نكن نعرفهم ويصدر منهم
تصرفات تجعلنا نعيد النظر في حكمنا علي الأشخاص و المواقف ..
من وجهة نظرك ما هي أفضل طريقة للتعامل مع هؤلاء هل مواجهتهم أم تجاهلهم؟؟

(( انا افضل المواجهه لو كان هذا الشخص يعنى لى واذا كان لايفرق معى فاعتقد التجاهل افضل))

و هل قابلتِ هذه النوعية من قبل و كيف تصرفتِ حينها؟؟

كثيرا واحيانا كثيره كان التجاهل افضل

- جيد أن يجد الإنسان لنفسه في اليوم بعض الوقت يختلي فيه مع نفسه ليفعل ما يمتعه ...
يا تري عندما تجدين هذا الوقت ما هو اول شئ تفعليه؟؟؟

انام

- ما هي الصفات التي تتمني تغييرها في نفسك؟؟

الاندفاع

و هل تهتمين كثيراً برأي الآخرين فيكِ؟

نعم ولكن مش فى كل وقت

و إلي أي مدي تتقبلي فكرة التغير لأجل الآخرين؟؟

دائما وابدا احاول لاجل الاخرين لما طلع عينى لكن اقولك كلمه فى ودنك كونى كما انتى
ودعى الاخرين يتعاملوا معك كما انتى حتى لاتتعبى

- هل أفادك النت عامة و المنتدي الخاصة في تكوين صداقات،
تخيري أحد هؤلاء الأصدقاء و حدثينا عن صداقتكما.

نعم افادنى وكونت صداقات كثيره وانتهت بقليل

اكلمك عن مين اقولك فانتو اخويا اللى فاضحنى فى كل مكان ولا اقولك على كوكى
ولا فارس يختى كلهم وكسه بس بحبهم من قلبى ولا بابا نام

شوفى فانتو صداقه من سنين بعدنا ورجعنا ورحنا وجينا وزى ما احنا اخوات دائما
انسان جميل بمعنى الكلمه ولنا مواقف تموت من الضحك ومقالب مش ممكن ياريت
يكون ضيف الحلقه القادمه ويقولك على المقالب

((والله كنت بتمنى ولسه بتمنى وان شاء الله ننول شرف تواجده معانا ))

لى هنا صديق جميل ورفيق الدرب واخى الغالى لم تعرفوه الجيل الجديد هو فرى ده بقى
مش صديق لا ده اخ بجد ربنا يرجعه للمنتدى بالسلامه

- تجربتك في الإنضمام إلي فريق عمل شهرزاد ..هل تريها مثمرة؟؟

(( كانت مثمره جدا اما الان لا وللاسف))

و ماهي المعوقات أو السلبيات التى تعرقلك

(( الثواب والعقاب بمعنى السلبيه فى اتخاذ القرارت الصائبه فتلاقى نفسك بصراحه
نفسك تنسدت عن كل حاجه ومش عارفه تقولى كلمه دايما كلمه الحق موجعه

و كذلك الإيجابيات طبعاً؟؟

(( عارفه احلى ايجابيات هذا المكان ايه تحسى انه بيتك نتخانق نزعق نولع فى بعض
لكن فى النهايه اخوات بجد واى حد فينا حد بس يقرب ليه عينه ماتشوف الا النور حتى
ولو كان غلطان فى حقنا

-رشحى لنا أغنية من أغاني رمضان لها ذكري لديك
رمضان جانا

- في ايام الصغر دوماً كنا نحلم بمستقبل رسمناه في عقولنا ..
إلي أي مدي حققت بيومى افندى ما رسمته في عقلها؟؟؟

عارفه يا سما محققتيش الا حاجات ربع اللى كنت بتمناها لكن حققت حاجات جميله لناس
كانت تتمنها وده بيحقق لى سعاده بالغه

- اذا كانت شهيتك مسدوده عند الاكل .. مين من الاعضاء تختار تاكل معاه ليفتح شهيتك ؟؟

طبعا بابا نام وفانتو وفرى وصدقينى مش حنعرف ناكل من الضحك مع بعض

هل تحب الاكل لوحدك ام مع جماعة؟؟

جماعه طبعا

- لو أذن المغرب مره وما كان الفطار جاهز ايه هيكون رد فعلك ؟؟

ولا حاجه بولع فى اللى قدامى

- أمنية نختتم بها اللقاء علي الصعيد الشخصي و الإجتماعي

الشخصى رضا ربى وراحه البال

الاجتماعى نرجع لزمن الحب

وفى الختام

كل الشكر لك بيومى افندى علي هذا اللقاء الممتع و يا رب يوفقك
و نشوفك بخير و يا رب يجعل كل أيامك بركة

تسلمى يا سما وكل المنتدى بخير ورمضان كريم

واكيد مش هننسى تقديم واجب الضيافه لضيفتنا المميزه جدااااااا

واحلى طبق ملوخيه

مقطفاهالك بايدى يا جميل

ومخرطهالك كمان

وعلى مرقة ارانب وحياتك ودبحالك الارنب بنفسى

واحلى طبق رز

ومش هننسى العيش المحمص

ودا هدية من برنامجنا وبا رب تعجبك

وبالف هنا

[/align][/cell][/table1][/align]

[امة الله]

انت بجد جميل \ة يا بيومي افندي بحس انك انسان نضيف من جوا
شكراا سما كنا محتاجين نعرف شخصية بيومي افندي احسنت الاختيار وكل سنة وانتم بخير

[ALMOMAYAZ]

[align=center]
بيومي أفندي

يامئة هلا نورت السفرة الرمضانية

وختامها مسك نقول

تحياتي لكِ ولكل من ذكرتِ من أخوة وأخوات فهم بحق

من أجمل ماعرفت هنا ربنا يديم على الجميع الصحبة

الحلوة والأخوة الصادقة0

بيومي أفندي ربنا يرجع كل بعيد لينا ونشوف كل الأحبة

من ثاني0

عيدكم سعيد .... وكل عام وأنتم بخير

شكراً لكِ سما الجمال والإبداع على ماقدمتي طيلة

شهر رمضان المبارك من برامج ولقاءات كانت

بحق ناجحة بكل المقاييس بالرغم من الأمور

التي طرأت وكان لها أكبر الأثر على وضع المنتدى

لكِ مني تحية إعزاز وإكبار

وكل عام وأنتِ بخير
[/align]

[Ahmed Fouad]

حوار قوى جدا ياسما .. اجابات بيومى افندى كلها محل تقدير واحترام
والله انسانة رائعة وشخصية ممتازة لم اكن اعرفها كما ينبغى ..
واسمحى لى بيومى افندى ان اعلق هذه الحكمة على بابك:

دائما وابدا احاول لاجل الاخرين لما طلع عينى لكن اقولك كلمه فى ودنك كونى كما انتى
ودعى الاخرين يتعاملوا معك كما انتى حتى لاتتعبى

[Dr.alaa]

[align=center]يا اهلا وميت مرحب بيك يا بيومى افندى نورت المكان وخليتى عيدنا عيدين...
اجابات مختصرة قاطعة مباشرة ومحل تقدير واحترام...
وانت اهل للتقدير والاحترام حبيبتى ...
دام وجودك الجميل وصداقتك الاجمل ولا حرمنا الله طلتك الحلوة ابدا يااارب....


والسلام بعتهولك مع العصفورة يا سما اللى تعبت ياعينى من كتر المشواير فى البرنامج الرائع ده...ههههههههه


وكل عام وانت بخير جميعا وعيد سعيد ومبارك عليكم ياااااارب
[/align]

[الغروب الشارد]

بيومتي


كان اللقاء بوجدك هنا فرحه لينا

كل سنة وأنت طيب

وبالحب مجتمعين



سما الحب

وأي الحروف تشكركِ

[بيومى افندى]

شكرا يا سما على حلقاتك الممتعه وبج الله يكون فى عون وبجد احييك على صبرك
لان اول طلب ليكى ان تكون الحلقه مرتبه والخط واضح والحمد الله لم تتحقق امنيتك معى معلشى بقى يا سما اعذرينى حكم السن ههههههههههههه بس بج قد ايه حسيت انك بتتعبى عيد سعيد عليكى يا سما وعلى العائله الكريمه واشكرك مره اخرى

[بيومى افندى]

امه الله انتى اللى جميله يا ابنتى الغاليه ودائما يا امه الحب يصل الى القلوب بسرعه مش بيقولوا من القلب الى القلب رسول عيد سعيد ابنتى الغاليه

[بيومى افندى]

اخى الفاضل ميميز فعلا انت مميز فى ادب الحوار ومميز فى انتقاء الكلمات اشكرك اخى الافضل وعيد سعيد علينا جميعا

[بيومى افندى]

حوار قوى جدا ياسما .. اجابات بيومى افندى كلها محل تقدير واحترام
والله انسانة رائعة وشخصية ممتازة لم اكن اعرفها كما ينبغى ..
واسمحى لى بيومى افندى ان اعلق هذه الحكمة على بابك:

دائما وابدا احاول لاجل الاخرين لما طلع عينى لكن اقولك كلمه فى ودنك كونى كما انتى
ودعى الاخرين يتعاملوا معك كما انتى حتى لاتتعبى

اخى الفاضل احمد فؤاد شكرا لك وعيد سعيد ونعم اخى الفاضل هذه حكمتى الان